೨೦೦೧ ಜೂನ್ ೧ ನೇ ತಾರೀಖು ನೇಪಾಳದ ಕರಾಳ ದಿನಗಳಲ್ಲಿ ಒಂದು, ರಾಜ ಮನೆತನ ರಕ್ತದ ಮಡುವಿನಲ್ಲಿ ಬಿದ್ದ ದಿನ ಅದು . ೨೦೦೧ ರ ಜೂನ್ ೧ ಮರೆತರೂ ಮರೆಯಲಾರದ ದಿನದಂತೆ ೧೦ ವರುಷ ಕಳೆದರೂ ಇಂದಿಗೂ ಜನರನ್ನು ಆಗಾಗ ಕಾಡುತ್ತಿರುತ್ತದೆ. “ಪ್ರೀತಿ ಎಂದರೆ ಮಾಯೆ ” ಅನ್ನೋದು ವಿಶ್ವಕ್ಕೆ ಅರಿವಾಗುವಂತೆ ಮಾಡಿದ ದುರಂತ ಪ್ರೇಮ ಕಾವ್ಯದ ಅಂತಿಮ ದಿನ . ರಾಜ ಪಟ್ಟವನ್ನು ಸ್ವಿಕರಿಸ ಬೇಕಾದ ಯುವರಾಜ ರಾಜಪಟ್ಟ ಏರಲು ಕೇವಲ ೩ ದಿನಗಳು ಇರುವಾಗ ಪ್ರೀತಿಗೋಸ್ಕರ ತನ್ನ ಕುಟುಂಬದ ಅಂತ್ಯ ಹಾಡಿದ ದಿನವದು .
ದೀಪೇಂದ್ರ ನೇಪಾಳಿ ರಾಜಕುಮಾರ ಬಿರೇಂದ್ರ ಹಾಗು ರಾಣಿ ಐಶ್ವರ್ಯ ನ ಪ್ರೀತಿಯ ಪುತ್ರ . ತನ್ನ ಬಾಲ್ಯದ ದಿನಗಳಲ್ಲಿ ಅತೀ ಚುರುಕುತನವನ್ನ ಹೊಂದಿದ ಹುಡುಗನಾಗಿದ್ದ ದೀಪೇಂದ್ರ ತನ್ನ ಪ್ರಾಥಮಿಕ ವಿದ್ಯಾಭ್ಯಾಸವನ್ನು ನೇಪಾಲದ ರಾಜಧಾನಿ ಕಾಟ್ಮಂಡುವಿನಲ್ಲಿ ಇರುವ ಬುದ್ಧ ನಿಕೇತನ ಶಾಲೆಯಲ್ಲಿ ಮುಗಿಸಿದ್ದ . ಉನ್ನತ ವಿದ್ಯಾಭ್ಯಾಸವನ್ನು ಇಟನ್ ಕಾಲೇಜ್ ಇಂಗ್ಲೆಂಡ್ ನಲ್ಲಿ ಮುಗಿಸಿದ ಪ್ರತಿಭಾವಂತ . ಅಲ್ಲಿಂದ ನೇಪಾಳಕ್ಕೆ ಹಿಂತಿರುಗಿದ ಯುವರಾಜ ನೇಪಾಳ ದ ತ್ರಿಭುವನ್ ಯುನಿವರ್ಸಿಟಿಯಲ್ಲಿ ತನ್ನ ಉನ್ನತ ವ್ಯಾಸಂಗವನ್ನ ಮುಗಿಸಿ ಹಾಗೆ .ಪಿ.ಹೆಚ್.ಡಿ ಯನ್ನು ಪಡೆದುಕೊಂಡಿದ್ದ . ಜೊತೆಗೆ ದೀಪೇಂದ್ರ ಅತ್ಯುತ್ತಮ ಕರಾಟೆ ಪಟು ಕೂಡ ಆಗಿದ್ದ .
ಹಾಗೆ ಎಲ್ಲಾ ವಿಭಾಗದಲ್ಲೂ ಮುಂದಿದ್ದ ದೀಪೇಂದ್ರ ನ ಜೀವನದಲ್ಲಿ ಬದಲಾವಣೆಯ ತಂಗಾಳಿಯನ್ನು ಬೀಸಿದವಳು ಭಾರತ ದ ಪ್ರತಿಷ್ಠಿತ ಕುಟುಂಬವಾದ “ರಾಣ ” ಕುಟುಂಬದ ಸದಸ್ಯೆ ದೇವಯಾನಿ ರಾಣ. ದೇವಯಾನಿ ಯ ಪ್ರೇಮ ಪಾಶದಲ್ಲಿ ಸಿಲುಕಿದ ದೀಪೇಂದ್ರ ಈ ಜಗತ್ತನ್ನೇ ಮರೆತು ಬಿಟ್ಟ . ದೇವಯಾನಿ ಬಿಟ್ಟರೆ ಈ ಜಗತ್ತೇ ಇಲ್ಲ ಅನ್ನೋ ರೀತಿಯಲ್ಲಿ ವರ್ತಿಸಲು ಪ್ರಾರಂಭಿಸಿದ ದೀಪೇಂದ್ರ ಹಾಗೂ ದೇವಯಾನಿ ಜೋಡಿ ಅನೇಕ ಸಲ ಜೈಪುರದ ಪ್ರೇಕ್ಷಣಿಯ ಸ್ಥಳಗಳಲ್ಲಿ ಕಾಣ ಸಿಗುತ್ತಿದ್ದವು . ಆಗಿನ ಕೆಲವು ಪತ್ರಿಕೆಗಳು ಅದನ್ನ ತನ್ನ ಪತ್ರಿಕೆಯ ಮುಖ ಪುಟದಲ್ಲಿ ಪ್ರಕಟಿಸಿದ್ದವು ಕೂಡ . ಹಾಗೆ ಕೆಲವು ವರುಷದ ನಂತರ ಇದೇ ಪ್ರೇಮ ಕಾವ್ಯ ದ ದುರಂತ ಅಂತ್ಯ ತನ್ನ ಪತ್ರಿಕೆಯ ಮುಖ ಪುಟದಲ್ಲಿ ಪ್ರಕಟವಾಗಲಿದೆ ಎನ್ನೋದು ಆ ಪತ್ರಿಕೆ ಯವರು ಉಹಿಸಿರಲು ಸಾದ್ಯವಿಲ್ಲ .
ಅಲ್ಲಿಂದ ನೇರವಾಗಿ ತನ್ನ ಕೊಠಡಿಗೆ ಹೋದ ದೀಪೇಂದ್ರ ತನ್ನ ಬಳಿ ಇದ್ದ ವಿದೇಶಿ ನಿರ್ಮಿತ ಬಂದೂಕು ತಗೆದುಕೊಂಡು “ಡಿನ್ನರ್ “ ಕೋಣೆಗೆ ಹಿಂದಿರುಗಿದ. ಆ ಪರಿಸ್ಥಿತಿಯಲ್ಲಿ ತಾಯಿಯ ಪ್ರೀತಿ ,ತಂದೆಯ ಮಮತೆ , ಸಹೋದರರ ಒಡನಾಟ ಯಾವುದೂ ದಿಪೇಂದ್ರ ನ ಕಣ್ಣ ಮುಂದೆ ಬಂದಿಲ್ಲ . ಬಂದದ್ದು “ಪ್ರೀತಿ ” ಎಂಬ ಮಾಯೆ ಅಷ್ಟೇ .ತನ್ನಲ್ಲಿದ್ದ ಬಂದೂಕಿನಿಂದ ಅಲ್ಲಿದ್ದ ತನ್ನ ತಾಯಿ ತಂದೆ ಸಹೋದರರು ಎಲ್ಲರ ಮೇಲೆ ಮನ ಬಂದಂತೆ ಗುಂಡಿನ ಮಳೆಗರೆದ ….. ರಾಜ ಮನೆತನ ರಕ್ತ ಸಿಕ್ತವಾಯಿತು . ಅಷ್ಟಕ್ಕೂ ಸಂತುಷ್ಟನಾಗದ ರಾಜಕುಮಾರ ತನ್ನ ತಲೆಗೆ ತಾನೇ ಗುಂಡು ಹಾರಿಸಿ ಕೊಂಡ . ಆದರೂ ಆಗ ಅವನ ಪ್ರಾಣ ಪಕ್ಷಿ ಹಾರಲಿಲ್ಲ. ಆದರೆ ಜೂನ್ ೪ ೨೦೦೧ ರ ಸಂಜೆ ರಾಜ ಮನೆತನದ ದಿಪೇಂದ್ರ ಬರದ ಲೋಕಕ್ಕೆ ಪಯಣ ಬೆಳೆಸಿದ .. ಇಲ್ಲಿಗೆ ಸಿಹಿಯಾದ ಪ್ರೇಮ ಕಾವ್ಯ ದುರಂತ ಅಂತ್ಯವನ್ನ ಕಂಡು ಇತಿಹಾಸದ ಪುಟ ಸೇರಿತು
ವಿಶ್ವ ಕನ್ನಡಿಗ ನ್ಯೂಸ್ ನಿಂದ ಎರವಲು ಪಡೆಯಲಾಗಿದೆ..
