ಮನಸ್ಸಿಗೂ ಬಾಯಿಗೂ ಮಧ್ಯ ಇರೋ ಫಿಲ್ಟರೇ ಕಿತ್ತು ಹೋದಾಗ

ನೆಟ್ ನಿಂದ ಹೆಕ್ಕಿದ್ದು

ಹೀಗೊಮ್ಮೆ ಯೋಚಿಸಿ ಮನಸ್ಸಿಗೂ ಬಾಯಿಗೂ ಮಧ್ಯ ಇರೋ ಫಿಲ್ಟರೇ ಕಿತ್ತು ಹೋದಾಗ ಏನಾಗ ಬಹುದು? ನಿಮಗೆ ಯಾರಾದ್ರು ತರಲೆ ಪ್ರಶ್ನೆ ಕೇಳಿದ್ರೆ ನೀವು ಏನಂತಾ ಉತ್ತರ ಕೊಡಬಹುದು? ಇದು 1 ಈಮೇಲ್ ಪಾರ್‌ವಾರ್ಡ್ ಮತ್ತು 1 ಎಸ್.ಎಂ.ಎಸ್ ಎರಡರ ಆಧಾರದ ಮೇಲೆ ಬರೆದಿದ್ದು. ಮುಂದೆ ಓದಿ ನೋಡಿ..ಹೇಗಿದೆ ಅಂತಾ ಹೇಳಿ.
---------------------------------------------------------------------------------------
ನೀವು ಪರೀಕ್ಷೆಲಿ ಉತ್ತರ ಬರೀತಾ ಇರ್ತೀರಾ. ಟೀಚರ್ ಹತ್ತಿರ ಬಂದಾಗ ಕೇಳ್ತಾರೆ.
ಅವರು ಕೇಳ್ತಾರೆ: ಏನಪ್ಪಾ ಚೆನ್ನಾಗಿ ಓದಿದ್ದೀಯಾ?
ಫಿಲ್ಟರ್ ಇಲ್ಲಾಂದ್ರೆ ನಿಮ್ಮ ಉತ್ತರ: ನಿಮ್ಮ ಸಿಲಾಬಸ್ಸು, ನಿಮ್ಮ ಇಂಟರ್ನಲ್ಸು, ನಿಮ ಎಕ್ಸಾಮು, ಈ ಬಿಕನಾಸಿ ಮಾರ್ಕ್ಸು, ನಮ್ ಟೈಮು, ಆ ರಾಸ್ಕಲ್ ಫೆಕಲ್ಟಿ ಸದ್ದು ಎಲ್ಲಾ ಮಿಕ್ಸ್ ಆಗಿ ನನ್ ಲೈಫಲ್ಲೇ ರಿಪೇರಿ ಮಾಡೋಕ್ಕಾಗದೇ ಇರೋ ಗಾಯ ಮಾಡಿದೆ....ನನಗೆ ಗೊತ್ತಾಗೊಯ್ತು ಕಣ್ರಿ ನಾನು ಪಾಸ್ ಆಗಲ್ಲಾ ಅಂತಾ. ಬಿಟ್ಕೊಟ್ಟು ಬಿಟ್ಟೆ ಕಣ್ರಿ.
ಫಿಲ್ಟರ್ ಇರೋದ್ರಿಂದ ನಿಮ್ಮ ಉತ್ತರ: (ಹಲ್ಕಿರಿಯುತ್ತಾ) ಪರವಾಗಿಲ್ಲ ಸಾರ್.
---------------------------------------------------------------------------------------
ನೀವು ಬಸ್ಸಲ್ಲಿ ಹೋಗ್ತಾ ಇರ್ತೀರಾ. ಒಬ್ಬ ಡುಮ್ಮಿ ತಮ್ಮ ಹೈ ಹೀಲ್ಡ್ ಹಾಕಿರೋ ಕಾಲಿಂದ ನಿಮ್ಮ ಹವಾಯಿ ಚಪ್ಪಲಿ ಹಾಕಿರೋ ನಿಮ್ಮ ಕಾಲು ಮೆಟ್ಟೇ ಬಿಡ್ತಾಳೆ.
ಅವರು ಕೇಳ್ತಾರೆ: ಪಾಪ ನಿಮಗೆ ಸ್ವಲ್ಪ ನೋವಾಯ್ತೋ ಏನೊ?
ಫಿಲ್ಟರ್ ಇಲ್ಲಾಂದ್ರೆ ನಿಮ್ಮ ಉತ್ತರ: ಇಲ್ಲಮ್ಮಾ ಪುಣ್ಯಾತಗಿತ್ತಿ ದೊಡ್ಡ ಉಪಕಾರ ಆಯ್ತು. ಈ ನೋವೂ ಒಂತರಾ ಹಿತವಾಗಿದೆ ಕಣ್ರಿ. ಸಾಕಾಗಿಲ್ಲ ಅಂದ್ರೆ ಮತ್ತೊಮ್ಮೆ ಮೆಟ್ಟಿ ನೋಡ್ರಿ.
\ಫಿಲ್ಟರ್ ಇರೋದ್ರಿಂದ ನಿಮ್ಮ ಉತ್ತರ: (ಮುಖ ಕಿವಿಚುತ್ತಾ) ಹಾಂ ಸ್ವಲ್ಪ ಆಯ್ತು. ಇರಲಿ ಬಿಡಿ. ಪರವಾಗಿಲ್ಲ. ಏನ್ಮಾಡೊಕ್ಕಾಗುತ್ತೆ.
---------------------------------------------------------------------------------------
ನೀವು ಫಿಲಂ ಥಿಯೇಟರ್ ಬಳಿ ಫಿಲಂ ಟಿಕೆಟ್ ಹಿಡ್ಕೊಂಡು ಓಡಾಡ್ತಾ ಇರ್ತೀರಾ. ಆಗ ನಿಮ್ಮ ಫ್ರೆಂಡ್ ಒಬ್ಬರು ಸಿಗ್ತಾರೆ.
ಅವರು ಕೇಳ್ತಾರೆ: ಏನಪ್ಪಾ ಇಲ್ಲೇನ್ಮಾಡ್ತಾ ಇದ್ದೀಯಾ?
ಫಿಲ್ಟರ್ ಇಲ್ಲಾಂದ್ರೆ ನಿಮ್ಮ ಉತ್ತರ: ಓಹೋ ಹಾಗಾದ್ರೆ ನಿಮ್ಗೆ ಗೊತ್ತಿಲ್ವಾ.... ನಾನು ಬ್ಲ್ಯಾಕ್‌ನಲ್ಲಿ ಟಿಕೆಟ್ ಮಾರೋಕೆ ಶುರು ಹಚ್ಕೊಂಡಿದ್ದೀನಿ. ಬೇರೆ ಕೆಲ್ಸಾ ಇಲ್ಲಾ ನೋಡಿ.
ಫಿಲ್ಟರ್ ಇರೋದ್ರಿಂದ ನಿಮ್ಮ ಉತ್ತರ: (ಹಲ್ಕಿರಿದು) ಹ್ಹೆ ಹ್ಹೆ ಏನಿಲ್ಲಾ ಯಾರೋ ಫಿಲಂ ಚೆನ್ನಾಗಿದೆ ಅಂದ್ರು. ನೋಡೋಣ ಅಂತಾ ಬಂದೆ.
---------------------------------------------------------------------------------------
ನೀವು ಯಾವುದೋ ಹೊಟೇಲ್ ವೇಟರ್ ಆಗಿದ್ದೀರಾ. ಯಾರೋ ಗಿರಾಕಿ ಬರ್ತಾರೆ.
ಅವರು ಕೇಳ್ತಾರೆ: ಸ್ವಾಮಿ ನಿಮ್ಮ ಹೋಟೆಲ್‌ನಲ್ಲಿ ಊಟ ಚೆನ್ನಾಗಿರುತ್ತೋ?
ಫಿಲ್ಟರ್ ಇಲ್ಲಾಂದ್ರೆ ನಿಮ್ಮ ಉತ್ತರ: ಛೆ ಛೆ ಎಲ್ಲಾದರೂ ಉಂಟೇ? ತುಂಬಾ ಕೆಟ್ಟದಾಗಿರುತ್ತೆ. ನಾವು ಪಾತ್ರೆನೂ ಸರಿಯಾಗಿ ತೊಳೆಯಲ್ಲ. ಕೆಲವೊಮ್ಮೆ ನಾವು ತಿಂದು ಬಿಟ್ಟದ್ದನ್ನೂ ಕೊಡ್ತೀವಿ. ಕೊಡ್ಲಾ?
ಫಿಲ್ಟರ್ ಇರೋದ್ರಿಂದ ನಿಮ್ಮ ಉತ್ತರ: ಒಮ್ಮೆ ತಿಂದು ನೋಡಿ ಸಾರ್. ಮತ್ತೆ ನೀವು ಈ ಹೊಟೇಲ್ ಬಿಟ್ಟು ಬೇರೆಲ್ಲೂ ಊಟಾನೇ ಮಾಡಲ್ಲ.ಕೂತ್ಕೋಳಿ ಸಾರ್. ಬಿಸಿ ಬಿಸಿಯಾದ ಊಟ ತರ್ತೀನಿ.
----------------------------------------------------------------------------------------
ನೀವು ನಿಮ್ಮ ಮದುವೆಯ ಆಮಂತ್ರಣ ಪತ್ರಿಕೆಯನ್ನು ಗೆಳೆಯನಿಗೆ ಕೊಡ್ತೀರಾ.
ಅವರು ಕೇಳ್ತಾರೆ: ಏಯ್ ನೀನು ಮದುವೆ ಆಗ್ತೀರೋ ಹುಡುಗಿ ಚೆನ್ನಾಗಿದ್ದಾಳಾ? ಒಳ್ಳೆಯವಳಾ?
ಫಿಲ್ಟರ್ ಇಲ್ಲಾಂದ್ರೆ ನಿಮ್ಮ ಉತ್ತರ: ಖಂಡಿತಾ ಇಲ್ಲಾ. ಶೂರ್ಪನಖಿಯ ತಂಗಿ ಇದ್ದ ಹಾಗೆ ಇದ್ದಾಳೆ. ಬೀದಿಗೊಂದು ಬಾಯ್‌ಫ್ರೆಂಡ್‌ಗಳೂ ಇದ್ರಂತೆ. ಏನ್ಮಾಡೋದು ಅವಳಪ್ಪ ಕೋಟ್ಯಾದೀಶ. ಬಿಡೋಕಾಗತ್ಯೆ?
ಫಿಲ್ಟರ್ ಇರೋದ್ರಿಂದ ನಿಮ್ಮ ಉತ್ತರ: ಹೌದು ಕಣೋ. ಇಂತಹ ಹುಡುಗಿ ಸಿಗಬೇಕು ಅಂದ್ರೆ ನೂರು ಜನ್ಮದ ಪುಣ್ಯ ಮಾಡಿರಬೇಕು.
-------------------------------------------------------------------------------------------
ಬೆಳಗಿನ ಜಾವ ೩ ಗಂಟೆಗೆ ಯಾರೋ ನಿಮ್ಮನ್ನು ಮನೆಗೆ ಫೋನ್ ಕಾಲ್ ಮಾಡಿ ಎಬ್ಬಿಸುತ್ತಾರೆ.
ಅವರು ಕೇಳ್ತಾರೆ: ಛೆ ಛೆ ಸುಮ್ನೆ ತೊಂದ್ರೆ ಕೊಟ್ಟೆ ಮಲಗಿ ಬಿಟ್ಟಿದ್ರಾ?
ಫಿಲ್ಟರ್ ಇಲ್ಲಾಂದ್ರೆ ನಿಮ್ಮ ಉತ್ತರ: ಇಲ್ಲ ಇಲ್ಲ ಸುಮ್ಮನೆ ಬೇಜಾರು ಬರುತ್ತೆ ಅಂತಾ ಕಳ್ಳ ಪೋಲಿಸ್ ಆಟ ಆಡ್ತಾ ಇದ್ವಿ. ಅಂತೂ ಫೋನ್ ಮಾಡಿದ್ರಲ್ಲಾ. ತುಂಬಾ ಸಂತೋಷ. ಬನ್ನಿ ಬೆಳಕು ಹರಿಯುವವರೆಗೂ ಹರಟೆ ಹೊಡೆಯೋಣ.
ಫಿಲ್ಟರ್ ಇರೋದ್ರಿಂದ ನಿಮ್ಮ ಉತ್ತರ: ಛೆ ಛೆ ಹಾಗೇನಿಲ್ಲ ಇನ್ನೇನು ಏದ್ದೇಳು ಹೊತ್ತು. ಹೇಳಿ ಎನು ವಿಷಯ ಅಂತಾ?
------------------------------------------------------------------------------------------
ನೀವು ತಲೆ ಶೇವ್ ಮಾಡಿರೋದು ನೋಡಿ ನಿಮ್ಮ ಗೆಳೆಯರು ನೋಡ್ತಾರೆ.
ಅವರು ಕೇಳ್ತಾರೆ: ಓಹೋ ತಲೆ ಶೇವ್ ಮಾಡಿಸ್ಕೋಂಡ್ರಾ?
ಫಿಲ್ಟರ್ ಇಲ್ಲಾಂದ್ರೆ ನಿಮ್ಮ ಉತ್ತರ: ಇದು ಬೇಸಿಗೆ ಕಾಲ ಅಲ್ವಾ ಎಲ್ಲಾ ಉದುರಿ ಹೋಗಿದೆ. ಮುಂದೆ ಮಳೆಗಾಲದಲ್ಲಿ ಚಿಗುರು ಬಿಡುತ್ತೆ.
ಫಿಲ್ಟರ್ ಇರೋದ್ರಿಂದ ನಿಮ್ಮ ಉತ್ತರ:(ಸ್ವಲ್ಪ ನಾಚುತ್ತಾ) ಹೌದು ಕಣ್ರಿ ಸ್ವಲ್ಪ ಚೇಂಜ್ ಇರಲಿ ಅಂತಾ.
-----------------------------------------------------------------------------------------